Uztailaren 20an, Victoria Eugeniaren ehungarren urteurrenean, Jazzaren Gaua ospatuko da, eta doako kontzertuak egongo dira antzokiko txoko guztietan

47. Heineken Jazzaldiko programazioaren lehen aurrerapenak izen handiak dakartza, hala nola, Antony, Bobby McFerrin, Jamaican Legends (Sly & Robbie, Monty Alexander eta Ernest Ranglin), Yellowjackets, Ray Gelato, Marc Ribot, Ninety Miles (Stefon Harris, David Sánchez eta Nicholas Payton) eta Peter Evans. Jaialdiaren 2012ko edizioa uztailaren 19tik 23ra izango da.

Antonyk ahots berezia eta izaera xarmagarriak batzen ditu. 2005ean maila internazionalean I Am A Bird Now disko txundigarriarekin azaldu zenetik, Antonyk etengabe harritu du publikoa bere abesteko erarekin eta bere konposizio handiekin, azken horiek The Crying Light eta Swanlights albumetan jasoak. Bere musika intimista tarteka jazzera eta bluesera gerturatzen da, nahiz eta bere estiloa, egia esan, bere izaera bezain ustekabekoa den. Bere hastapenetan Laurie Anderson-ek, Lou Reed-ek eta New York-eko arte garaikideko puntako pertsonek babestu zuten, eta bere kolaborazioak beti izan dira abangoardiakoak, besteak beste, Björk, Rufus Wainwright, CocoRosie eta Hercules and Love Affair. Bakarka edo The Johnsons-eko buru, arte garaikidearen mugak zabaltzen jarraitzen du.

Donostian eskainiko duen emanaldia benetan ohiz kanpokoa izango da, izan ere, ondoan, 40 lagun baino gehiagoko orkestra bat izango baitu: Et Incarnatus euskal orkestra. Azken urteetan orkestren mundu zailean lekua egin du bere kideen maisutasun aintzatetsiari esker eta, bere errepertorio anitzen moldaketei esker, musika klasikotik pop eta rock taldeekin egindako lankidetzetara.

Babes bikain honekin, Antonyk Cut The World izeneko errezitala eskainiko du, bere azken lau diskoetako kantuei Nico Muhly-k, Rob Moose-k eta Maxim Moston-ek egindako moldaketa sinfonikoekin. Ikuskizun handia da, diseinu eszeniko zainduarekin eta okasiorako prezeski prestatutako argiteriarekin.

Bobby McFerrin mundu mailako jazz kantari ezagunena da. McFerrin artista imitaezina da, ahotsaren akrobata eta komunikatzaile handia, soilik bere ahots kordak erabiliz auditorio osoa kantuan jartzeko gai dena. McFerrinen kontzertu batean segurtatua dago dibertimendua eta dotoretasuna, lortzen erraza ez den zerbait. Oraindik ere zale guztien oroitzapenean dago Trinitate Enparantzan 2001n egin zuen debut aparta.

MacFerrinek ukitzen duen guztia bihurtzen du urre. Orkestra zuzendari gisa egin duen lana aho batez laudatua izan da, eta artista anitzekin egin dituen kolaborazio bereziak ohiz kanpoko interesa piztu dute. Musika irakasteko egin dituen programa pedagogikoek erakutsi dute musikak pertsonak batzen dituela mugen eta kulturen gainetik. Don’t Worry, Be Happy baikortasunari eskainitako kanta da, eta unibertso mailako ikono bilakatu da.

Kasu honetan proiektu harrigarria dakar Yellowjacketsekin batera, jazz garaikideko talde iraunkor eta eraginkorrenetako bat. Ez alferrik, 13 aldiz jaso du Grammy saria. Halako talde baten potentziak (Bob Mintzer saxoan, Russell Ferrante teklatuetan, Jimmy Haslip baxuan, eta William Kennedy baterian) McFerrinen ahotsaren abileziarekin batera, esperientzia paregabea eta berria ziurtatzen dute.

Jamaican Legends baztertu ezinezko hitzordua da jazz eta reggae zaleentzat. Musika jamaikarreko mitoek parte hartuko dute bertan: Sly & Robbie, Monty Alexander eta Ernest Ranglin. Monty Alexander jazz piano-jotzaile preziatuenetako bat da. Besteak beste, Dizzy Gillespie, Benny Golson, Milt Jackson eta Jimmy Griffin gisako lider historikoekin egin du lan, eta gainera, reggae talde propioa izan du eta musika hori maiz interpretatu du. Ernest Ranglin gitarra-jotzailea ska-ren sortzaileetako bat bezala kontsideratzen da eta scratching-a asmatu zuela esaten da, ska-ren oinarrian dagoen gitarra jotzeko era. Jimmy Cliff, Bob Marley eta The Skatalites-ekin jo zuen.

Sly&Robbie-ri dagokionean (Sly Dunbar baterian, eta Robbie Shakespeare baxuan), reggaearen garapenean izan duen eragina oso handia da eta adituek gailurrean kokatzen dute Bob Marley-ekin, Jimmy Cliff-ekin eta Peter Tosh-ekin batera. Era berean rock-ean ere beren arrastoa utzi dute The Rolling Stones, Bob Dylan, Sting, Carlos Santana eta beste askoren diskoetan parte hartuz.

Gitarra-jotzaile sortzaileenetako bat bezala errekonozitua, eta teknika ezinhobearen jabe, Marc Ribot askatasun osoko parametroen barruan idatzi eta interpretatzen du bere musika. Bere proiekturik ezagunenetako bat Los Cubanos Postizos da, zeinarekin omen egiten dion son kubatarrari. 1999an Ribot Jazzaldian egon zen Los Cubanos Postizos taldearekin. Orduz geroztik pasa den denborak erakutsi du ezarritakoan geratu beharrean, Los Cubanos Postizos-ek freskotasunean eta musika-etorrian irabazi dutela.

Ribotek lankide gisa izan dituen musikarien zerrendari erreparatuta, argi ikusten da berritzailea den ororekiko zaletasuna: John Lurie eta Lounge Lizards, Tom Waits, Elvis Costello, Sun Ra, John Zorn, The Jazz Passengers, Laurie Anderson, Arto Lindsay, Caetano Veloso, Allen Ginsberg eta abar. 2008an Heineken Jazzaldira itzuli zen Ceramic Dog hirukoaren buru.

Gutxitan ikus daiteke Ninety Miles taldean ikusten den talentu gazteen topaketa. 90 milak bereizten dute Estatu Batuak eta Cuba, eta distantzia horretan oinarritu ziren Stefon Harris bibrafono-jotzailea, David Sánchez saxofoi-jotzailea eta Nicholas Payton tronpeta-jotzailea beren proiektuari izena jartzeko. Habanara joan ziren, bertako musikari ospetsuak bildu zituzten, Rember Duharte eta Harold López-Nussa tartean, eta bederazi piezako harribitxi hau grabatu zuten. Langa politiko guztiei desafioa egiten dien Kubako eta Estatu Batuetako musiken arteko gurutzaketa, hain zuzen.

Stefon Harris newyorktarra bibrafonoaren maixua da, nahikoa ezohikoa den musika-tresna, baina jazzean joko handia ematen duena. Bere taldea, Blackout, zuzentzen du, San Francisco Jazz Collective-rekin birak egiten ditu, eta bere izenean zazpi disko argitaratu ditu, denak ere, kritikaren harrera onarekin.

David Sánchezek bere boskotea zuzentzen zuen 1996an Donostiako Jazzaldian arrakasta lortu zuenean. Puerto Ricoko saxofoi-jotzaileak Grammya irabazi du eta bere belaunaldiko hoberenetarikotzat hartzen da. Bere karreraren hastapenetan Dizzy Gillespierekin aritzeko aukera izan zuen eta orduz geroztik gailurrean egon da.

Nicholas Payton Nueva Orleanseko soinu tradizionalaren berriztatzaileetako bat da, jazz tronpeta-jotzaile onenen etxe konsideratua, eta horien artean dago Payton dago merezimendu osoz. 1997an Donostian egon zen Gumbo Nouveau proiektua aurkezten, eta hain zuzen, horrekin lortu zuten handienen artean konsagrazioa.

Peter Evans tronpeta-jotzailea iaz egin zen ezagun Heineken Jazzaldiko publikoarentzat, kritika onenak jaso zituzten bi kontzertuetan parte-hartu zuenean: inprobisazio hutsean Agustí Fernándezekin eskaini zuena, eta Mostly Other People Do the Killing taldearen baitan emandakoa, egungo jazzeko talde berritzaileenetakoa eta, den oraindik ere New York laborategi artistikoa zergatik den erakusten duena.

Evansek ibilbide dizdiratsua garatu du, hasi inprobisazio libretik eta free jazzetik, eta bebop gisako generoen birformulatzeetara. Esparru horietan erraztasunez mugitzen bada, bere prestaketa tekniko bikainarengatik da, jakina. Hala, trebetasun berdinarekin interpretatzen ditu Bach, Xenakis edo Louis Armstrong. MOPDtKen aritzeaz gain, laukotea eta boskotea du bere izenean.

Uztailaren 20a, Victoria Eugenia Antzokiaren 100. urteurrena: Jazzaren Gaua

Uztailaren 20an Victoria Eugenia Antzokiaren 100. urteurrena ospatuko da, eta Heineken Jazzaldiak bat egingo du ospakizunekin Jazzaren Gaua programatuz. Ateak parez pare zabalduko ditu antzokiak, sarrera librea izango da eta kontzertuak egongo dira antzokiko txoko guztietan, baita ezustekoenetan ere. Hala publikoak musika ona entzuteko aukera edukitzeaz gain, eraikinaren zirrikitu guztiak ezagutzeko parada izango du.

Partekatu

Saria 1.200 eurokoa da eta, Heineken Jazzaldia Europako jaialdi garrantzitsuenetakoa eta tradizio handienetakoa izaki, irabazleak bere diseinua milaka pertsonei helarazteko aukera izango du.

Lanak www.heinekenjazzaldia.com eta http://especiales.heinekenjazzaldia.com webguneen bitartez soilik aurkeztu ahal izango dira, eta horietan daude lehiaketaren oinarriak. Lanak aurkezteko epea otsailaren 7ko 10:30etik martxoaren 1eko 17:00ak arte egongo da zabalik.

Kartel irabazlea hautatuko duen epaimahaiak laster adieraziko diren hainbat arlotako kideak bilduko ditu. Haiekin batera izango dira Heineken Jazzaldiko Antolakuntza Batzordeko bi kide eta Heinekenen bi ordezkari.

www.heinekenjazzaldia.com eta http://especiales.heinekenjazzaldia.com webguneen bitartez finalistak hautatzeko bozketan parte hartzen dutenen artean Trinitate Plazarako bi abonu eta Heineken Jazzaldiko hotel ofizial batean bi pertsonentzako ostatua zotz egingo dira. Martxoaren 6ko 10:30etik martxoaren 13ko 17:00etara eman ahal izango da botoa.
 

Partekatu

Antolakuntza Batzordeak bost talde hautatuko ditu horiek aurkezten dituzten diskoen kalitatearen eta duten interesaren arabera, eta 47. Heineken Jazzaldiko programazioan sartuko ditu.

2011n diskoa argitaratu eta 47. Heineken Jazzaldian parte hartzeko interesa duten jazz taldeek diskoa jaialdiko bulegora bidali beharko dute ahal bezain laster (Erregina Erregentea 8, 20.003 Donostia).

Deialdi hau ez da bateraezina dagoeneko martxan dagoen tokiko 10 talde aukeratzeko prozesuarekin. Prozesu horretara aurkeztu den edozein taldek du aukera deialdi honetara ere aurkezteko, baldin eta 2011n diskoa atera duela frogatzen badu.

Heineken Jazzaldiak bertako jazz taldeen proposamenak publiko zabalarengana iristeko egiten duen beste ekimenetako bat da hau. Abian dagoen Tokiko Taldeen Hautaketari deialdi berri hau gehituta, tokiko 15 jazz taldek hartuko dute parte, jaialdiko behin betiko programan egongo diren musikari internazionalekin batera.

Azken urteetan asko hazi da bertako jazz talde egonkorren kopurua, baita editatutako disko kopurua ere. Errealitate horri begira, Heineken Jazzaldiak b¡de parte-hartzaile berri hau ireki die tokiko taldeei.

Partekatu

37 proposamen aurkeztu dira aurten, eta bidali dituzten grabazioetan oinarrituta, 47. Heineken Jazzaldiko Antolakuntza Batzordeak 15 talde hautatu ditu. Horiek kontzertuak eskainiko dituzte urtarrila eta apirila bitartean Donostian. Zuzeneko emanaldi horien ondoren, Batzordeak, kalitate artistikoa eta publikoaren erreakzioa baloratuz, 10 talde aukeratuko ditu eta horiek 47. Heineken Jazzaldiko programazioan sartuko dira.

Kontzertuak Forum FNACen, Altxerrin eta Victoria Eugenia Club Aretoan izango dira doan (Club Aretoaren kasuan gonbidapenak jaso beharko dira Victoria Eugeniako leihatilan). Hau da kontzertuen egutegia:

 Sarrera doan aretoa bete arte

Partekatu

Forum FNAC. 19:30ean. Sarrera doan

Roberto Nieva (sa), Daniel Cano (tp), David Ruiz (b), Jesús Pazos (bat)

www.myspace.com/ornetillos

Ornetillos Musikenen jaio zen 2009an. Taldeak Ornette Coleman-i egiten dio omen. Ornette Colemanen eta Bill McHenry saxofoi-jotzailearen musikak eraginda, free musika proposamena dakarte, eta hor Colemanen doinu mitiko eta adierazgarriei heltzen diete, baita John Coltrane eta Eric Dolphyren batzuei ere.

Colemanen ondarea oinarrizkoa izan da jazz modernoaren sorreran, inprobisaziorako kontzeptu berriak sartu baitzituen, hala nola, eskala exotikoak, forma irregularrak eta “harmolodiscs” kontzeptua. Bere lana sakonki aztertuta, Ornetillosek haren proposamena mantentzen du eta jazz europarraren eta ipar-amerikarraren proposamen berriekin nahasten du, esate baterako, polimetria, modulazio metrikoa eta muturreko interakzioa. Era berean, kontzeptu zaharrak berreskuratzen dituzte, Nueva Orleanseko jazzean berezko diren bakarkako kolektiboak, esaterako.

Ornetillosek harrera ona izan du publikoaren artean, bere proposamen berritzaileari esker, bitxia eta espontaneoa. Normalean EAEn, Nafarroan eta Aragoin ematen dituzte kontzertuak. Iaz Heineken Jazzaldian parte hartu zuten hautaketa prozesua gaindituta eta Getxoko Jaialdiko lehiaketan finalista izan ziren.

Partekatu

Altxerri. 20:30ean. Sarrera doan aretoa bete arte.

Tanausú Santana (b), Willy Muñoz (p), Juanma Urriza (bat), Roberto Nieva (sa), Juan Gabriel Lakuntza (tb), Wilfred Wilde (g)

www.tanasantana.com

Tanausú Santana Donostian bizi den bajista elektriko eta kontrabajista kanariarra da. 2005etik freelance modura aritu da lanean, eta sektorearen ia esparru guztietan, gainera: telebista, musikalak, konponketa-egilea, konposatzailea, estudioko musikari eta talde ugaritako kide (Antonio Lizana Group, Sorkun, Nayaband, El Pez Listo). Ibilbide horretan jazza, funka, housea, flamenkoa, reggaea, afroa eta rocka landu ditu.

2007-2011 bitartean baju elektriko ikasketak egin zituen Musikenen. Hor, ikaskide batzuekin batera, bere proiektuari eustea erabaki zuen: jazzaren tresnez baliatzen den seikote formatuan aurkeztutako errepertorioa, perspectiva ezberdinetatik sortzen dena: house, flamenkoa, reggae, afro eta rocka. Talde honen helburu nagusia eszenatokian lehertzea da eta publikoa irmotasunez, energiaz, freskuraz eta, nola ez, groovez astindu.

Partekatu

Altxerri. 20:30ean. Sarrera doan aretoa bete arte.

Oskar Lakuntza (st), Juan Gabriel Lakuntza (tb), Daniel Cano (tp), Marcos Salcines (p), Juan Manuel Estévez (b), Jesús Pazos (bat)

2009 amaieran sortu zuten talde hau Musikeneko sei ikaslek. Hard pop banda da hau eta beraien helburua 50. eta 60. hamarkadako jazz musika berpiztea da. Konponketa gehienak Lakuntza Brotherseko kideek egin dituzte, baina era berean, omenaldia egin nahi diete hard poparen konposatzaile eta konponketa-egile handiei: Horace Silver, Eddie Harris, Herbie Hancock, Freddie Hubbard eta Art Blakey. Filosofia horrek berekin darama aurreko hamarkadetako joerekin bat egitea, hala nola, bluesa, swinga, bebopa eta boogalloa. Jazz musika dantzagarriagoa eta eskuragarriagoa izatea bilatzen dute.

Kontzertu asko eman dituzte, baina horien artean aipagarrienak 2011eko Heineken Jazzaldian eskainitako, 2011n Palma de Mallorcako Palma Jazz-ekoa edo 2010ean Bilboko Alhondigaren inaugurazio egunean emandakoa dira. 2011ko urrian BBK Jazz Erakustaldiaren bigarren edizioan lehen saria jaso zuten. Sari horri esker, 2012an zehar disko bat grabatzeari ekingo diote, euren lehena.

Partekatu

Forum FNAC. 19:30ean. Sarrera doan

Javier Alcalá (g), Roberto Nieva (sa), Seir Caneda (p), David Ruiz (b), Oriol Flores (bat)

Taldea duela urte eta erdi sortu zen Musikenen, bere kideak bertako ikasleak eta ikasle ohiak dira. Beren proiektuak Radiohead Pop Jazz Covers du izena. Radiohead-en musika oinarri hartuta, jazzaren eta poparen lengoaia gerturatu nahi dute publikoarengana espazio berean, eta gogorarazi nahi dute azken hamarkadako jazz musikari esanguratsuenek, Bard Mehldau-ek eta The Bad Plus-ek adibidez, Radiohead-en kantak bertsionatu dituztela.

Partekatu

Forum FNAC. 19:30ean. Sarrera doan

David Burgui (g), Ramón García (org), Gorka Gaztanbide (bat)

Db Trío (David Burgui Trío) Iruñean sortu zen 2009ko udan, hiru ikaslek gitarrak, Hammond organoak eta bateriak osatutako jazz formazio mota tradizional eta ezohikoa aztertzeko zuten jakinminetik. Taldearen errepertorioa kideek sortutako melodiekin osatzen da gehien bat, jazz musikariren baten kantekin osatuta: Jimmy Smith, Peter Bernstein, Larry Goldings, Melvin Rhyne eta Larry Young, esate baterako. Beraien esperientziak Nafarroan eta EAEn emandako kontzertu ugari biltzen ditu (Burlatako Blues jaialdia, Oliteko mahats-bilketa jaia, “Dancing for Japan” Barañaingo ongintzazko ikuskizuna, eta hainbat kontzertu Zumarragan).

http://www.heinekenjazzaldia.com/wp-content/uploads/mp3/db_trio.mp3

Partekatu

Altxerri. 20:30ean. Sarrera doan aretoa bete arte.

Miguel “Lawyer” González (voc), Alfredo “Benjamin Divo-Moses” Olaverri (bat), Mariano “Betts” Berástegui (g), Patxi “O’Clock” Ruiz (aho-soinua, g), Sergio “Longfingers” Pérez (b), Alberto “Escualo” Navascués (tec, p)

www.de2enbluesband.com

De 2 en Blues Band bikote gisa jaio zen Iruñean 1990an Miguel “Lawyer” Gonzálezekin eta Michel “Montgomery” Remónekin, eta kide berriak sartzearekin taldea osatu zuten. 20 urte baino gehiagoan zehar De 2 en Blues Band musika afroamerikarrarekin gozatzea (eta gozaraztea) lortu du, bereziki bluesa eta soula. Di diskok babesten dute euren ibilbidea: En directo (1998) eta Bluesoul (2006).

2010an beren ibilbidearen errekonozimendu gisa saria jaso zuten Nafarroako Musikaren VI. Galan. 2011n Heineken Jazzaldian parte hartu zuten, eta beste jaialdi askotan ere aritu dira: Getxoko Blues Jaialdian, Aragoiko el Ritmo y Blues-en, Tolosa and Blues-en, Burlatakoan, Hondarribiko Road to Memphis lehiaketan eta Madrilgo San Isidro jaietan.

Inglesez eta gazteleraz abestuz, De 2 en Blues Band-ek publikoaren konplizitatea lortzen du, denen artean bluesaren eta soularen gorespenaren festa bizitzeko.

http://www.heinekenjazzaldia.com/wp-content/uploads/mp3/de_2_en_blues_band.mp3

Partekatu